برازیل اور امریکا میں 2 ہیلی کاپٹر حادثات،6 افراد ہلاک

2 ہیلی کاپٹر حادثات میں مجموعی طور پر 6 افراد ہلاک ہو گئےہیں،حادثات برازیل اور امریکا میں پیش،آئے-

خبررساں ادارے اناطولیہ ایجنسی کے مطابق برازیل کے شہر ریو ڈی جنیرو میں ایک ہیلی کاپٹر جنگلاتی علاقے میں گر کر تباہ ہو گیا، جس کے نتیجے میں پائلٹ سمیت 4 افراد جان کی بازی ہار گئےفائر بریگیڈ حکام کے مطابق حادثے کے بعد جائے وقوعہ پر آگ بھڑک اٹھی، جسے بجھانے کے لیے خصوصی ٹیمیں روانہ کی گئیں ہیلی کاپٹر ایک نجی کمپنی کے زیرِ انتظام تھا جو سیاحوں کو فضائی سیر کراتی تھی، اور یہ حادثہ شہر کے مشہور سیاحتی مقام وسٹا چائنیسا کے قریب پیش آیا۔

کولمبیا کی قونصل جنرل ڈیانا پائز کے مطابق ہلاک ہونے والوں میں 3 افراد کولمبین سیاح ہو سکتے ہیں، تاہم شدید جھلس جانے کے باعث شناخت کا عمل دشواری کا شکار ہے،ریسکیو اہلکاروں کو حادثے کے مقام تک پہنچنے میں بھی مشکلات کا سامنا کرنا پڑا کیونکہ ہیلی کاپٹر گھنے اور دشوار گزار جنگل میں گرا۔

ادھر امریکا کی ریاست یوٹاہ میں جنگلاتی آگ بجھانے کے مشن پر مامور ایک ہیلی کاپٹر گر کر تباہ ہو گیا، جس میں سوار دونوں پائلٹ ہلاک ہو گئے، یہ ہیلی کاپٹر فشلَیک نیشنل فاریسٹ میں لگی آگ پر قابو پانے کی کارروائی میں شریک تھا،حادثے کے نتیجے میں ایک نئی آگ بھڑک اٹھی جو بعد ازاں پہلے سے موجود آگ میں شامل ہو گئی،مشترکہ آگ اب تقریباً 174 مربع میل (451 مربع کلومیٹر) رقبے تک پھیل چکی ہے، جبکہ امریکا کے مغربی حصوں میں متعدد جنگلات بدستور آگ کی لپیٹ میں ہیں۔