امریکی کمپنی الیف ایرو ناٹکس نے دنیا کی پہلی اُڑنے والی کار کی تیاری کا آغاز کردیا ہے۔ کمپنی کے مطابق الیف ماڈل اے الٹرا لائٹ نامی یہ گاڑی 2026 کے اوائل میں صارفین کے لیے دستیاب ہوسکتی ہے۔
الیف ایرو ناٹکس کا کہنا ہے کہ یہ مکمل طور پر برقی گاڑی ہے جو زمین پر چلنے کے ساتھ ساتھ فضا میں اڑان بھرنے کی صلاحیت بھی رکھتی ہے۔ اس گاڑی کو شہری علاقوں میں ٹریفک کے شدید مسائل سے نمٹنے کے لیے تیار کیا گیا ہے۔
کمپنی کے مطابق اگر صارف پرواز نہ کرنا چاہے تو الیف ماڈل اے کو زمین پر اتار کر عام کار کی طرح سڑک پر بھی چلایا جاسکتا ہے۔
اڑنے والی اس گاڑی کی ابتدائی قیمت 3 لاکھ ڈالر مقرر کی گئی ہے جبکہ اب تک ساڑھے تین ہزار سے زائد پری آرڈرز موصول ہوچکے ہیں۔
امریکی کمپنی نے دنیا کی پہلی اُڑنے والی کار متعارف کرانے کی تیاری شروع کردی
