متحدہ عرب امارات نے اپنے شہریوں پر لبنان،ایران اور عراق کے سفر پر فوری پابندی عائد کر دی ہے۔ یہ فیصلہ وزارتِ خارجہ کی جانب سے جاری کیا گیا ہے جس میں کہا گیا ہے کہ یہ اقدام خطے میں موجود “حالیہ علاقائی صورتحال” کے پیش نظر شہریوں کے تحفظ کو یقینی بنانے کے لیے اٹھایا گیا ہے۔
وزارتِ خارجہ نے تمام اماراتی شہریوں کو ہدایت کی ہے کہ اگر وہ اس وقت ان ممالک میں موجود ہیں تو فوری طور پر واپس متحدہ عرب امارات پہنچ جائیں۔ ساتھ ہی شہریوں کو ہدایت کی گئی ہے کہ وہ سرکاری ہدایات اور سفری ایڈوائزری پر سختی سے عمل کریں۔سرکاری بیان کے مطابق حکومت نے شہریوں کی حفاظت کو اولین ترجیح دیتے ہوئے یہ فیصلہ کیا ہے، اور اس حوالے سے ایک ہاٹ لائن بھی جاری کی گئی ہے تاکہ متاثرہ افراد فوری رابطہ کر سکیں۔