امریکا کی کولمبیا یونیورسٹی کے معروف پروفیسر جیفری سیکس نے ایران میں حالیہ فسادات کا ذمہ دار امریکا اور اسرائیل کو قرار دے دیا ہے۔
پروفیسر جیفری سیکس کا کہنا ہے کہ ایران میں ایک غیر معمولی، پُرتشدد اور سفاک کھیل کھیلا جا رہا ہے۔ ان کے مطابق خریدا ہوا اور جانبدار امریکی مین اسٹریم میڈیا یہ تاثر دیتا ہے کہ ایرانی حکومت نے معیشت پر کنٹرول کھو دیا ہے، جبکہ یہ حقیقت چھپائی جاتی ہے کہ ایرانی معیشت کو نقصان پہنچانے والا اصل کردار خود امریکا ہے۔
انہوں نے کہا کہ ہمیشہ کی طرح عوام کو یہ کہہ کر گمراہ کیا جاتا ہے کہ ایرانی حکومت اپنے شہریوں پر ظلم کر رہی ہے، جبکہ اصل حقائق سامنے نہیں لائے جاتے۔
پروفیسر جیفری سیکس کے مطابق امریکا اور اسرائیل کا بنیادی مقصد ایرانی عوام کی زندگی کو زیادہ سے زیادہ مشکل بنانا ہے، اور ان اقدامات کا حتمی ہدف ایران میں رجیم چینج ہے۔
دوسری جانب بین الاقوامی امور کے ماہر اور سینیٹر مشاہد حسین سید نے پروفیسر جیفری سیکس کے بیان کی حمایت کرتے ہوئے اسے سوشل میڈیا پر شیئر کیا۔ انہوں نے لکھا کہ ایران کے معاملے پر مغربی میڈیا اس قدر کمزور، جعلی اور خریدا ہوا ہے کہ وہ سچ بیان کرنے سے انکار کر رہا ہے۔
ایران میں حالیہ فسادات کے ذمہ دار امریکا اور اسرائیل ہیں، کولمبیا یونیورسٹی کے پروفیسر جیفری سیکس
