امریکی صدر ڈونلڈ ٹرمپ نے کہا ہے کہ امریکا کا فی الحال ایران سے یورینیم قبضے میں لینے کے لیے کسی آپریشن کا کوئی ارادہ نہیں ہے۔
ایک انٹرویو میں گفتگو کرتے ہوئے صدر ٹرمپ نے کہا کہ خطے کی صورتحال پر مسلسل نظر رکھی جا رہی ہے اور ضرورت پڑنے پر امریکا آبنائے ہرمز سے گزرنے والے جہازوں کو سیکیورٹی فراہم کر سکتا ہے۔
انہوں نے کہا کہ عالمی تجارتی راستوں کی حفاظت امریکا کے لیے اہم ہے اور اگر حالات کا تقاضا ہوا تو اس حوالے سے اقدامات کیے جائیں گے۔
ڈونلڈ ٹرمپ کا کہنا تھا کہ ان کے خیال میں روسی صدر ایران کی کسی حد تک مدد کر رہے ہیں، تاہم انہوں نے اس حوالے سے مزید تفصیلات فراہم نہیں کیں۔
صدر ٹرمپ نے کہا کہ امریکا خطے میں صورتحال کو دیکھتے ہوئے اپنی حکمت عملی ترتیب دے رہا ہے اور مستقبل کے فیصلے حالات کے مطابق کیے جائیں گے۔
ایران سے یورینیم قبضے میں لینے کا فی الحال کوئی ارادہ نہیں: ڈونلڈ ٹرمپ
