بحیرۂ عرب میں امریکی طیارہ بردار جہاز پر حادثہ، نیوی اہلکار زخمی

بحیرۂ عرب میں امریکی بحریہ کے طیارہ بردار جہازیو ایس ایس ابراہم لنکن (CVN 72) پر فلائٹ آپریشن کے دوران ایک اہلکار زخمی ہوگیا۔

امریکی بحری افواج کی سینٹرل کمانڈ کے مطابق یہ واقعہ 25 مارچ کو اس وقت پیش آیا جب جہاز معمول کی فلائٹ آپریشنز انجام دے رہا تھا۔امریکی حکام نے واضح کیا ہے کہ یہ چوٹ کسی جنگی کارروائی کا نتیجہ نہیں اور نہ ہی اہلکار کی حالت تشویشناک ہے۔ بیان کے مطابق زخمی اہلکار کو فوری طور پر ساحل پر منتقل کر کے مزید طبی سہولیات فراہم کی جا رہی ہیں اور اس کی حالت مستحکم بتائی گئی ہے۔

یو ایس نیول فورسز سینٹرل کمانڈ نے سوشل میڈیا پلیٹ فارم ایکس پر جاری بیان میں کہا کہ واقعے کی وجوہات جاننے کے لیے تحقیقات جاری ہیں۔یہ واقعہ ایسے وقت پیش آیا ہے جب خطے میں ایران کے ساتھ جاری کشیدگی کے باعث امریکی افواج اپنی عسکری سرگرمیاں تیز کیے ہوئے ہیں۔ امریکی طیارہ بردار بیڑے اس وقت اہم سمندری راستوں میں فضائی کارروائیوں اور اپنی موجودگی برقرار رکھنے میں مرکزی کردار ادا کر رہے ہیں،