سعودی عرب میں امریکی سفارت خانے نے ملک میں موجود امریکی شہریوں کو فوری طور پر سعودی عرب چھوڑنے کی ہدایت جاری کر دی ہے۔
سفارت خانے کے بیان میں کہا گیا ہے کہ امریکی شہری کمرشل پروازوں کے ذریعے جلد از جلد ملک سے روانہ ہو جائیں، کیونکہ سعودی فضائی حدود میں میزائل اور ڈرون حملوں کے خطرات میں اضافہ ہو رہا ہے۔
بیان کے مطابق ریاض، جدہ اور دمام کے ائیرپورٹس بدستور فعال ہیں اور شہریوں کو ہدایت کی گئی ہے کہ وہ مقامی وارننگ سسٹم اور حکومتی ہدایات پر مکمل عمل کریں۔
امریکی حکام نے مزید کہا کہ موجودہ صورتحال کے پیش نظر احتیاطی تدابیر اختیار کرنا ضروری ہے تاکہ کسی بھی ممکنہ خطرے سے محفوظ رہا جا سکے۔
سعودی عرب میں امریکی شہریوں کو فوری انخلا کی ہدایت
