بالی وڈ کی سیئنر اداکارہ ورشا نے حال ہی میں کپل شرما شو میں شرکت کی انہوں نے کہا کہ میں نے ایک بہت اچھا دور دیکھا ہے . انہوں نے ایک سوال کے جواب میں کہا کہ آج تو فلم کرنے کے بعد بہت ساری جگہوںپر فلم کی مارکیٹنگ کرنے کےلئے جانا پڑتا ہے لوگوں کو بتانا پڑتا ہے کہ فلم میں کیا ہے ، اور کیوں دیکھنے کےلئے جائیں،ہمارے دورمیں ایسا نہیں ہوتا تھا، آج وقت بدل چکا ہے لوگوں کے مزاج بھی بدل چکے ہیں. انہوں نے کہا کہ میرے مداح لڑکے مجھے جہاں دیکھتے تھے آٹوگراف مانگ لیتے تھے. ایک بار میں ٹرین میں جا رہی تھی.
میں سو رہی تھی ، ایکدم مجھے ایک مداح نے آکر جگا دیا اور کہا کہ آٹوگراف دے دیں ، میرا سٹیشن آنے والا ہے. اسی طرح سے ”میرے گھر کے دروازے پرصبح 6 بجے بھی لڑکے آجاتے تھے” ، آٹو گراف مانگنے کے لئے. انہوں نے کہا کہ مداح بھی خدا کی دین ہے خدا کا تحفہ ہے ، مداحوں کے بغیر کوئی سٹار نہیں نہ ہی سٹار ہونےکی اہمیت ہے. انہوں نے کہا کہ میں نے اپنی مرضی کے مطابق کام کیا اور جب بھی کام کیا شائقین نے سراہا جس کے لئے میں ان کی شکر گزار ہوں.