وزیر مملکت برائے اطلاعات فرخ حبیب نے علماء کرام سے مدد مانگ لی
باغی ٹی وی کی رپورٹ کے مطابق وزیر مملکت برائے اطلاعات فرخ حبیب نے کہا ہے کہ بھارت مختلف ویب سائٹس کے ذریعے پاکستان کے خلاف پروپیگنڈا کررہا ہے
فرخ حبیب کا کہنا تھا کہ اس صورتحال میں علمائے کرام کی ذمہ داریوں میں اضافہ ہوجاتا ہے ملک کے خلاف ہونے والی سازشوں سے نمٹنے کےلیے علما ئے کرام عوام کو آگاہی دیں ہر مشکل وقت میں پاکستان اور چین ایک دوسرے کے ساتھ کھڑے ہوئے ہیں،ملکی سلامتی اور عوام کے تحفظ کےلیے ہر ممکن اقدام کیاجائے گا،سی پیک منصوبہ پاک چین دوستی کی بہترین مثال ہے بھارت سی پیک منصوبے کی راہ میں روڑے اٹکا نا چاہتاہے،ہمیں اتحاد و اتفاق سے ملک کے خلاف سازشوں کو ناکام بنانا ہے ہم اپنے فیصلے آزادانہ طور پر بغیر کسی دباؤ کے کریں گے
فرخ حبیب کا مزید کہنا تھا کہ کہ تمام سیاسی جماعتوں کو یہ حق حاصل ہے کہ وہ پاکستان میں کہیں بھی جا کر اپنی کمپین چلائیں، پاکستان تحریک انصاف وفاق کی علامت اور آزاد کشمیر کے انتخابات میں کامیابی کے بعد ملک کی سب سے بڑی سیاسی جماعت بن کر ابھری ہےپی ٹی آئی کی وفاق، خیبرپختونخوا، پنجاب، گلگت بلتستان اور آزاد کشمیر میں حکومت ہے، سینٹ میں پاکستان تحریک انصاف سب سے بڑی جماعت ہے اس کے علاوہ سندھ میں اپوزیشن لیڈر بھی پی ٹی آئی کے ہیں۔ پاکستان تحریک انصاف اگر سندھ میں جا کر کمپین کرنا چاہتی ہے تو اس سے پیپلز پارٹی کیوں پریشان ہے وفاقی حکومت تین سال کے عرصہ میں سندھ کو 2 ہزار ارب روپے این ایف سی کے تحت دے چکی ہے