ویلنٹائن ڈے،چڑیا گھر نے منفرد فنڈ ریزنگ مہم متعارف کرا دی

امریکا کی ریاست میری لینڈ کے ایک چڑیا گھر نے ویلنٹائن ڈے کے موقع پر ایک منفرد فنڈ ریزنگ مہم متعارف کرا دی ہے-

عالمی میڈیا کے تحت لوگ پانچ ڈالر کے عطیے کے بدلے کسی جانور کے فضلے کو اپنے سابقہ محبوب کے نام سے منسوب کر سکتے ہیں، اکثر لوگ کہتے ہیں کہ ویلنٹائن ڈے ”بہت بُرا“ دن ہے، لیکن شاید وہ اسے اتنے مزاحیہ انداز میں نہیں سوچتے جیسا کہ میری لینڈ کے چڑیا گھر نے سوچا، چڑیا گھر کی جانب سے اس مہم کو ”ڈالرز فار ڈنگ“ کا نام دیا گیا ہے، جس کا مفہوم ہے کہ گوبر کے لئے ڈالرز دینا۔

انتظامیہ کے مطابق فنڈ دینے والے افراد کو ایک پی ڈی ایف سرٹیفکیٹ بھی فراہم کیا جاتا ہے، جسے وہ اپنی مرضی کے مطابق شیئر یا محفوظ کر سکتے ہیں، چڑیا گھر کی چیف آپریٹنگ آفیسر شینن براؤن نے کہا کہ یہ رقم چڑیا گھر کے تحفظاتی منصوبوں اور جانوروں کی دیکھ بھال کے لیے استعمال ہوگی، چاہے وہ میری لینڈ میں ہوں یا دنیا کے دیگر مقامی ماحولیات میں۔

شینن براؤن نے ہنستے ہوئے کہا کہ یہ خیال عجیب ہے اور یہ ہمیں ایک سہ پہری دوپہر کے کھانے کے دوران پیدا ہوا اور پھر ایک دلچسپ مہم میں تبدیل ہوگیا یہ مہم دوسری مرتبہ منعقد کی جا رہی ہے گزشتہ سال بھی اس اقدام کو غیر معمولی پذیرائی ملی تھی اوریہ مزاحیہ سی فنڈ ریزنگ بےحد کامیاب رہی تھی،ہمیں دنیا کے 30 سے زائد ممالک سے عطیات موصول ہوئے میرے خیال میں ہم تقریباً تمام براعظموں تک پہنچ گئے، صرف دو براعظم رہ گئے،اس مہم کے نتیجے میں تقریباً 10 ہزار ڈالرز جمع ہوئے تھے، جو چڑیا گھر کے جانوروں کی دیکھ بھال اور تحفظ میں خرچ ہوئے۔