کراچی میں امریکی قونصل خانے کے باہر ایرانی سپریم لیڈر آیت اللہ علی خامنہ ای کی شہادت کے خلاف ہونے والا احتجاج پرتشدد شکل اختیار کر گیا، جس کے نتیجے میں 9 افراد جاں بحق اور 18 زخمی ہو گئے۔ ہسپتال حکام نے جانی نقصان کی تصدیق کر دی ہے۔
واقعہ اس وقت پیش آیا جب مظاہرین نے امریکی و اسرائیلی حملوں کے خلاف احتجاج کرتے ہوئے قونصل خانے کی جانب پیش قدمی کی، جس پر پولیس اور مظاہرین کے درمیان شدید تصادم ہوا۔ مشتعل ہجوم کو منتشر کرنے کے لیے پولیس کی جانب سے کارروائی کی گئی، جس کے دوران گولیاں چلنے اور بھگدڑ مچنے سے جانی نقصان ہوا۔
زخمیوں کو طبی امداد کے لیے قریبی ہسپتال منتقل کر دیا گیا ہے، جہاں کئی افراد کی حالت تشویشناک بتائی جا رہی ہے۔ کراچی کے حساس علاقوں میں صورتحال کشیدہ ہے اور سیکیورٹی ہائی الرٹ کر دی گئی ہے۔
کراچی: امریکی قونصل خانے کے باہر تصادم، 9 افراد جاں بحق
