9 مئی کے واقعات ملکی سالمیت اور قومی یکجہتی پر حملہ تھے، شیری رحمان

نائب صدر پیپلز پارٹی سینیٹر شیری رحمان نے نو مئی کے واقعات کو پاکستان کی تاریخ کا سیاہ باب قرار دے دیا

شیری رحمان کا کہنا تھا کہ 9 مئی کے واقعات ملکی سالمیت اور قومی یکجہتی پر حملہ تھے، قوم ایسے عناصر کو کبھی فراموش نہیں کرے گی،بھٹو کی شہادت پر کارکنوں نے خود کو جلایا، حملہ نہیں کیا، شہید بی بی کی شہادت پر چاروں صوبوں میں کارکنوں کا احتجاج تھا، شہید بی بی کی شہادت پر جلاؤ گھیراؤ ہوا، لیکن ملٹری تنصیبات اور شہداء کی یادگاروں پر حملہ نہیں ہوا،پاکستان کھپے کا نعرہ لگایا گیا،9 مئی کو فوجی تنصیبات، شہداء کی یادگاروں اور قومی اداروں پر حملے دراصل پاکستان پر حملہ تھے،9 مئی کے منصوبہ سازوں اور سہولت کاروں کو قانون اور آئین کے مطابق درست سزائیں دے کر مثال قائم کی گئی،پاکستان کی تاریخ میں پہلی بار سیاسی انتقام میں قومی دفاعی تنصیبات کو نشانہ بنایا گیا،جو عناصر نوجوانوں کو ریاستی اداروں کے خلاف اکساتے ہیں وہ قوم کے خیر خواہ نہیں ہوسکتے،

شیری رحمان کا کہنا تھا کہ قوم اپنی افواج، شہداء اور قومی اداروں کے ساتھ کھڑی ہے اور ہر سازش کو ناکام بنائے گی،معرکۂ حق میں افواجِ پاکستان نے اپنی قربانیوں اور پیشہ ورانہ مہارت سے دشمن کو واضح پیغام دیا، پاکستان عالمی سطح پر مضبوط اور باوقار ملک بن کر ابھرا ہے، اس میں افواجِ پاکستان کا کلیدی کردار ہے،افواجِ پاکستان ہمارے قومی وقار، سلامتی اور استحکام کی علامت ہیں،