بالی وڈ سپر اسٹار شاہ رخ خان کی اہلیہ اور انٹیریئر ڈیزائنر گوری خان کا کہنا ہے کہ شاہ رخ خان نے کورونا کے باعث لگائے گئے لاک ڈاؤن کے دوران گھر کا کچن سنبھال کر خود کھانے بنانا شروع کردیئے تھے۔
باغی ٹی وی :بھارتی ویب پورٹل سے گفتگو کرتے ہوئے گوری خان نے بتایا کہ اہم باہر سے کھانے منگوانے کے حوالے سے خوف و خدشات میں مبتلا تھے اس لیے شاہ رخ نے اس موقع پر فیصلہ کیا کہ وہ اپنی فیملی کے لیے مزیدار کھانے خود بنائیں گے۔
شاہ رخ خان اور گوری خان اپنے بچوں آریان، سوہانا اور ابرام کے ساتھ ممبئی میں واقع اپنے گھر (منت) میں اس وقت سے مقیم ہیں جب شاہ رخ کے بڑے بیٹے کورونا وائرس پھیلنے کی وجہ سے امریکہ سے واپس ممبئی آگئے تھے۔
گوری خان نے کہا کہ اس دوران شاہ رخ کو کھانے بنانے کا شوق ہوا اور وہ ان کھانوں کو کھاکر لطف اندوز ہوتی رہیں۔
گوری خان نے بچوں کے بارے میں بتاتے ہوئے کہا کہ آریان نے امریکہ کی جنوبی کیلی فورنیا کی یونیورسٹی سے فلم میکنگ میں اپنا کورس ختم کرلیا ہے اور انھوں نے اب بھی وقفہ نہیں لیا ہے اور گھر پر بڑی تعداد میں فلمیں دیکھ رہے ہیں۔
جبکہ سوہانا، یونیورسٹی آف نیویارک کے زیراہتمام آن لائن کلاسیں ممبئی میں گھر پر ہی لے رہی ہیں اور ابرام اب اسکول جانا شروع ہوگئے ہیں۔
ان کا مزید کہنا تھا کہ یہ سب کچھ بہت تبدیل شدہ اور نیا لگتا ہے ابتدا میں بچوں کے حوالے سے یہ سب کچھ بہت مشکل لگ رہا تھا شاہ رخ نے بھی صورتحال سے ایڈجسٹ کرلیا ہے-
گوری خان نے بتایا کہ اب شاہ رخ خان اپنا بہت زیادہ وقت ہمارے ساتھ گزارتے ہیں۔