سابق صوبائی وزیر سبطین خان کے جوڈیشل ریمانڈ میں عدالت نے 14 دن کی توسیع کر دی

چوہدری برادران کے دور میں اربوں کی کرپشن کرنیوالے صوبائی وزیر جنگلات گرفتار

باغٰ ٹی وی کی رپورٹ کے مطابق تحریک انصاف کے رہنما سابق صوبائی وزیر سبطین خان کا ریمانڈ ختم ہونے پر انہیں عدالت پیش کیا گیا عدالت نے سبطین خان کے جسمانی ریمانڈ میں 14 دن کی توسیع کر دی اور 31 جولائی کو دوبارہ پیش کرنے کا حکم دے دیا.

نیب کی جانب سے گرفتاری، صوبائی وزیر نے دیا استعفیٰ

نیب نے سبطین خان کو غیر قانونی ٹھیکے دینے کے الزام میں گرفتار کیا تھا، گزشتہ سماعت پر عدالت نے سبطین خان کا دس روزہ ریمانڈ دیا تھا.

واضح رہے کہ نیب نے سبطین خان کو گرفتار کیا تو انہوں نے وزارت سے استعفیٰ دے دیا. صوبائی وزیر جنگلات سبطین خان نے سیاست کا آغاز 90 کی دہائی میں کیا، وہ 1990 سے 93 سے پنجاب اسمبلی کے رکن رہے اور ساتھ میں صوبائی وزیر جیل خانہ جات بھی تھے، چوہدری برادران کی جب حکومت بنی تو وہ وزیر معدنیات بنے، گزشتہ الیکشن میں صوبائی وزیر جنگلات سبطین خان تحریک انصاف میں شامل ہوئے اور الیکشن جیتے، تحریک انصاف نے انہیں صوبائی وزیر بنا یا تھا.