کوہلو میں لیویز کوئیک رسپانس فورس نے بڑی کارروائی کرتے ہوئے یوم آزادی پر بلوچستان کو بہت بڑی تباہی سے بچا لیا گیا ہے، حساس اداروں کی اطلاع پر لیویز کیو آر ایف نے تحصیل کاہان کے علاقے پیشی میں تخریب کاروں کے ٹھکانوں پر کارروائی کی ہے.
ڈپٹی کمشنر کوہلوعمران ابرہیم بنگلزئی نے کہا ہے کہ کارروائی میں بڑی تعداد میں بھارتی ساختہ اسلحہ و گولا بارود برآمد کیا گیا ہے، تخریب کار اسلحہ و گولا بارود یوم آزادی پر صوبے میں کسی بڑے تخریبی کارروائی میں استعمال کرنا چاہتے تھے، برآمد اسلحہ و گولا بارود میں ایم 25 گن ایک عدد، ایم 25 روند 312 عدد، 12.7 کے روند 2300 عدد، 70 عدد روند 60 ایم ایم، 70 عدد فرنٹ فیوز 60 ایم ایم، 70 عدد بیک پرائمر فیوز 60 ایم ایم ، آر پی جی 7 کے 6 عدد روندز، آر پی جی 7 فیوز 6 عدد، بارودی مواد کے 68 پیکٹ اور 2 عدد دھماکہ خیز مواد برآمد کئے گئے ہیں، تخریب کاروں کے خلاف لیویز کی کارروائی جاری رہیں گی، یوم آزادی کے موقع پر لیویز، پولیس اور ایف سی سیکورٹی کے سخت انتظامات کئے گئے ہیں.