ایڈمنسٹریٹر کراچی سندھ حکومت کے ترجمان اور مشیر قانون بیرسٹر مرتضیٰ وہاب نے کہا ہے کہ ہمارا پیارا پاکستان بڑی محنت اور جدوجہد کے بعد ملا ہے آیئے 14 اگست پر یہ عہد اور اعادہ کریں کہ ہم پاکستان کو عظیم ملک بنائیں گے-
باغی ٹی وی : سماجی رابطے کی ویب سائٹ ٹوئٹر پرمرتضیٰ وہاب نے جشن آزادی کے موقع پر ویڈیو پیغام میں تمام اہل وطن کو جشن آزادی کی مبارکباد دیتے ہوئے کہا کہ ہمارا پیارا پاکستان بڑی محنت اور جدوجہد کے بعد ملا ہے ہم سب کوشاں ہیں کہ ایسا پاکستان بنا سکیں جس میں ہر شخص کے بنیادی، آئینی اور معاشی حقوق محفوظ رہیں۔
Happy Independence Day #PakistanZindabad pic.twitter.com/WzkIv46xRB
— Murtaza Wahab Siddiqui (@murtazawahab1) August 13, 2021
انہوں نے کہا کہ امید کرتا ہوں کہ ہم سب ایسا پاکستان بنانے کی کوشش کرتے رہیں گے جہاں ہماری مائیں، بہنیں محفوظ ہوں اور جس میں ہمارے بزرگوں کو تمام سہولتیں میسر ہوں ایسا پاکستان جس میں ہمارے نوجوان نسل کو امید ہو کہ اس کا بہترین مستقبل پاکستان میں ہے۔
مرتضیٰ وہاب نے کہا کہ آیئے 14 اگست پر یہ عہد اور اعادہ کریں کہ ہم پاکستان کو عظیم ملک بنائیں گے، جس کا خواب علامہ اقبال نے دیکھا اور قائد اعظم نے اس کے لئے جدوجہد کی تھی۔