بھارتی ریاست اترپردیش میں حکمران جماعت بی جے پی کے رہنما کو قتل کر دیا گیا
باغی ٹی وی کی رپورٹ کے مطابق اترپردیش کے ضلع باپوڑ میں بھارت کی حکمران جماعت بی جے پی کے رہنما راکیش شرما کو فائر کر کے قتل کر دیا گیا، راکیش شرما کو اسوقت نشانہ بنایا گیا جب وہ موٹر سائیکل پر کالج جا رہے تھے.
بھارتی میڈیا کی رپورٹ کے مطابق راکیش شرما حکمران جماعت بھارتیہ جنتا پارٹی کے لیڈر تھے، راکیش کے قتل کی اطلاع علاقہ بھر میں پھیلی اور بی جے پی کے اراکین اکٹھے ہوئے، راکیش کی ڈیڈ باڈی کو ہسپتال لے کر جایا گیا جہاں بی جے پی کے کارکنان نے پہنچ کر توڑ پھوڑ کی اور نعرے لگائے. انہوں نے قاتلوں کی گرفتاری کا مطالبہ کیا تا ہم پولیس کا کہنا ہے کہ ہم جلد قاتل گرفتار کر لیں گے