مسلم ویمن لیگ کی جنرل سیکرٹری محترمہ عفت سعید کی قیادت میں خواتین کے وفد نے پاکستان مرکزی مسلم لیگ کے سینٹرل میڈیا سیل کا دورہ کیا اور پاکستان مرکزی مسلم لیگ کے ترجمان تابش قیوم سے ملاقات کی ہے
ترجمان پاکستان مرکزی مسلم لیگ تابش قیوم نے مسلم ویمن لیگ کے وفد کو خوش آمدید کہا ،دورے کے دوران مسلم ویمن لیگ کے وفد کو سینٹرل میڈیا سیل کے شعبہ جات الیکٹرانک ،پرنٹ، ڈیجیٹل بارےبریفنگ دی گئی،ملاقات میں شعبہ خواتین پاکستان مرکزی مسلم لیگ کو سیاسی میدان میں مزید فعال کرنے سمیت دیگر تنظیمی امور پر مشاورت کی گئی۔ اس موقع پر ترجمان مرکزی مسلم لیگ تابش قیوم کا کہنا تھا کہ پاکستانی سیاست میں خواتین کا کردار انتہائی اہم ہے.دین اسلام خواتین کو دنیا بھر کے قوانین سے بہتر حقوق فراہم کرتا ہے. مرکزی مسلم لیگ خواتین کے حقوق کا تحفظ یقینی بنائے گی.مسلم خواتین کی اسلام میں شناخت، کردار ہمیشہ سے نمایاں اور اہم رہی ہے۔ مرکزی مسلم لیگ کا خواتین ونگ ملک بھر میں دعوتِ دین، اصلاح اور خدمت کے کاموں میں سرگرم عمل ہے .خواتین کے حقوق کے لئے کام کرنے پر مسلم ویمن لیگ کی خدمات کو سراہتے ہیں.
محترمہ عفت سعید نے سوشل میڈیا پر مؤثر حکمت عملی کے ذریعے پارٹی کا بیانیہ اور قیادت کا وژن عوام تک پہنچانے کے عزم کا اظہار کیا اور کہا کہ مسلم ویمن لیگ کی تنظیمی اور سیاسی سرگرمیاں مزید تیز کی جائیں گی تاکہ پارٹی کے پیغام کو ہر فرد تک پہنچایا جا سکے۔خواتین ہماری سیاست، خدمت انسانیت، اور قیادت کے عزم ،ہمارا عزم عالیشان، اسلامی فلاحی پاکستان کے قیام میں شانہ بشانہ کردار ادا کریں گی.