وزیراعظم شہباز شریف نے کراچی میں گل پلازہ میں آگ لگنے کے واقعے پر اظہار افسوس کیا ہے۔
وزیراعظم شہباز شریف نے ہدایت جاری کرتے ہوئے کہا کہ ریسکیو آپریشن میں تمام متعلقہ ادارے مل کل کر کام کریں انہوں نے کہا کہ متاثرہ تاجروں اور دیگر افراد کو ہر ممکن امداد فراہم کی جا ئے گی، جاں بحق افراد کے لواحقین کے غم میں برابر کے شریک ہیں،وزیراعظم نے آتشزدگی کے باعث زخمی ہونے والے افراد کیلئے جلد صحت یابی کی دعا کی ہے۔
یو اے ای صدر کا آئندہ ہفتے بھارت کے دورے کا امکان،بھارتی میڈیا
دوسری جانب وزیراعلیٰ سندھ مراد علی شاہ نے گل پلازہ میں آتشزدگی کے واقعے کا سخت نوٹس لے لیا۔
وزیراعلیٰ سندھ مراد علی شاہ نے کمشنر کراچی کو واقعے کی فوری انکوائری کی ہدایت کی ہے، وزیراعلیٰ سندھ نے آگ کے باعث جانی نقصان پر اظہار افسوس کیاانہوں نے کمشنر کراچی کو آتشزدگی کی وجوہات معلوم کر کے تفصیلی رپورٹ پیش کرنے کا حکم دیا، انہوں نے گل پلازہ میں فائر سیفٹی انتظامات کی جانچ کرنے کی ہدایت بھی کی۔
گھوٹکی:پولیس کے تین الگ الگ مقابلے، تین ملزمان زخمی حالت میں گرفتار، اسلحہ برآمد، متعدد ساتھی فرار
وزیراعلیٰ سندھ مراد علی شاہ نے فائر سیفٹی قوانین پر سختی سے عملدرآمد کی ہدایت جاری کی اور کہا کہ غفلت یا لاپرواہی ثابت ہونے پر ذمہ داروں کیخلاف کارروائی کی جائے، مراد علی شاہ نے زخمیوں کو بہترین طبی سہولیات فراہم کرنے کی بھی ہدایت کی اور کراچی کی کمرشل عمارتوں میں فائر سیفٹی آڈٹ فوری کرانے کا حکم بھی دیا۔
گل پلازہ آتشزدگی واقعے کی ابتدائی رپورٹ جاری
علاوہ ازیں سندھ کے سینئر وزیر شرجیل میمن نے گل پلازہ آتشزدگی کا واقعہ بہت افسوسناک ہے، ان کا کہنا تھا کہ جاں بحق افراد کے اہلخانہ کے غم میں برابر کے شریک ہیں، حکومتی مشینری رات گئے سے موجود ہے، آگ بجھانے کی کوشش کر رہی ہے، پانی اور فوم کا کوئی مسئلہ نہیں تھاکراچی کے گل پلازہ میں آگ لگنے سے6 افراد جاں بحق، 22 سے زائد زخمی ہو گئے ہیں ،متعلقہ اداروں کی کوتاہی نظر آئی تو اس کیخلاف کارروائی کی جائے گی، فیکٹ فائنڈنگ رپورٹ آنے کے بعد کسی نتیجے پر پہنچیں گے، فیکٹ فائنڈنگ رپورٹ کے بعد ذمہ داروں کو قیمت ادا کرنا پڑے گی۔