چکوال (فیضان شیخ باغی ٹی وی):
عید کے روز ڈھوک کرم دین میں ہونے والے لرزہ خیز قتل کیس میں اہم پیش رفت سامنے آ گئی، جہاں مقتول مدثر کو جائیداد کے تنازعے پر عید کی نماز کے فوراً بعد فائرنگ کر کے بے دردی سے قتل کر دیا گیا تھا۔ افسوسناک واقعے کی ویڈیو سوشل میڈیا پر وائرل ہوتے ہی علاقے میں شدید غم و غصہ کی لہر دوڑ گئی۔
ذرائع کے مطابق واقعے کا فوری نوٹس لیتے ہوئے وزیر اعلیٰ پنجاب کی ہدایت پر کیس کو سی سی ڈی کے سپرد کیا گیا، جس پر ٹیم نے تیز رفتار کارروائی کرتے ہوئے مرکزی ملزم کو ٹریس کر لیا۔
بتایا جاتا ہے کہ جہلم میں ہونے والے پولیس مقابلے کے دوران ملزم اپنے ساتھیوں کے ہمراہ موجود تھا کہ اچانک فائرنگ کا تبادلہ شروع ہو گیا۔ اسی دوران وہ اپنے ہی ساتھی کی گولی لگنے سے موقع پر ہی ہلاک ہو گیا۔
پولیس حکام کا کہنا ہے کہ واقعے کی مزید تفتیش جاری ہے اور اس افسوسناک واقعے میں ملوث دیگر ملزمان کو بھی جلد قانون کے کٹہرے میں لایا جائے گا۔
عید کے دن قتل کرنے والا انجام کو پہنچ گیا — اپنے ہی ساتھی کی گولی سے ہلاک
