لودھراں کی سیشن کورٹ نے صحافی ظفر جوئیہ قتل کیس کا فیصلہ سناتے ہوئے جرم ثابت ہونے پر 3 مرکزی ملزمان کو عمر قید اور فی کس 2، 2 لاکھ روپے جرمانے کی سزا سنا دی۔
عدالت نے کیس میں ملوث مزید 15 ملزمان کو بھی مجرم قرار دیتے ہوئے 3، 3 سال قید اور جرمانے کی سزا کا حکم جاری کیا۔استغاثہ کے مطابق مقتول ظفر جوئیہ اور ملزمان کے درمیان اراضی پر قبضے کا تنازع چل رہا تھا، جس کے باعث یہ واقعہ پیش آیا۔ ملزمان نے 20 جون 2024ء کو دھنوٹ کے علاقے میں فائرنگ کر کے ظفر جوئیہ کو قتل کر دیا تھا،عدالت نے تمام شواہد اور گواہوں کے بیانات مکمل ہونے کے بعد فیصلہ سناتے ہوئے ملزمان کو سزائیں سنائیں۔