باجوڑ میں افغان رجیم کی گولہ باری سے شہید ہونے والے 4سگے بھائیوں کے لواحقین نے وزیراعلیٰ خیبرپختونخوا پر کڑی تنقید کی ہے
شہداء کے لواحقین کا کہنا تھا کہ باجوڑ میں اتنا بڑا سانحہ ہوا،ہمارے چار لخت جگر شہید ہو گئے، لیکن وزیراعلیٰ خیبر پختونخوا کو ہماری دادرسی کی توفیق نہ ہوئی،وزیراعلیٰ کو چاہیے تھا کہ وہ یہاں آکر فاتحہ پڑھتے اور تعزیت کرتے، انہوں نے ایسا کرنے کی زحمت تک نہیں کی،وزیراعلیٰ خیبر پختونخوا عوامی خدمت کے بجائے ذاتی وسیاسی مفادات کی تکمیل میں مصروف ہیں،وزیراعلیٰ خیبر پختونخوا سے ہمیں اب کوئی امید نہیں، یہ لوگ الیکشن کے وقت نظر آتے ہیں اور مشکل وقت میں غائب ہوجاتے ہیں، منتخب نمائندوں نے ہمیں بے یارومددگار چھوڑ دیا، پاک فوج نے ہمیشہ مشکل وقت میں ساتھ دیا،فتنہ الخوارج جہاد نہیں بلکہ مسلمان بھائیوں پر ہی (دہشتگردانہ)حملے ہیں جو کہ تشویشناک ہیں،پاک فوج کے جوان سخت ترین حالات میں بھی اپنی جانوں کا نذرانہ پیش کر کے ملکی سلامتی کو یقینی بنا رہے ہیںمیں پاک فوج کا شکر گزار ہوں کہ اس مشکل وقت میں انہوں نے ہمارا ساتھ دیا اور ہر ممکن مدد فراہم کی