پاکستان کے ائیر ٹریفک کنٹرولرز کی خدمات کا عالمی سطح پر اعتراف کیا ہے
پاکستان ائیرپورٹس اتھارٹی (پی اے اے)کے مطابق بین الاقوامی ائیر ٹریفک کنٹرولرز فیڈریشن (آئی ایف اے ٹی سی اے) نے پاکستانی ائیر ٹریفک کنٹرولرز کو خراج تحسین پیش کیا ہے،آئی ایف اے ٹی سی اے کے مطابق خطے میں فضائی دباؤ کے باوجود پاکستانی کنٹرولرز نے اعلیٰ کارکردگی دکھائی۔جغرافیائی سیاسی صورتحال کے باعث پاکستان کی فضائی گزرگاہ سے پروازوں میں نمایاں اضافہ ہوا۔پاکستانی ائیر ٹریفک کنٹرولرز نے غیر شیڈولڈ فضائی ٹریفک کو مؤثر انداز میں سنبھالا۔مشکل حالات میں بھی سیفٹی اور ایفیشنسی کے اعلیٰ معیار کو برقرار رکھا گیا۔پاکستانی ائیر ٹریفک کنٹرولرز نے دباؤ اور طویل ڈیوٹی کے باوجود ذمہ داریاں بخوبی نبھائیں۔خط میں متعلقہ پاکستانی وزارتِ کے تعاون کو بھی ائیر ٹریفک کنٹرولرز کی عالمی فیڈریشن کی جانب سے سراہا گیا۔