امریکی ٹی وی نے ایرانی ذرائع کے حوالے سے دعویٰ کیا ہے کہ امریکا اور ایران کے درمیان مذاکرات کا دوسرا دور پیر کے روز پاکستان میں ہوگا۔
امریکی نشریاتی ادارے سی این این کے مطابق واشنگٹن نے تاحال ایران کے ساتھ مذاکرات کے نئے شیڈول کی باضابطہ تصدیق نہیں کی۔یاد رہے کہ دونوں ممالک کے درمیان مذاکرات کا پہلا دور اسلام آباد میں منعقد ہوا تھا، جہاں اہم علاقائی اور باہمی امور پر تبادلہ خیال کیا گیا۔پہلے مذاکراتی دور میں امریکی وفد کی قیادت جے ڈی وینس نے کی تھی،اسلام آباد میں ہونے والے پہلے مذاکرات کے بعد دونوں وفود نے بعض امور پر پیش رفت کا اظہار کرتے ہوئے آئندہ ملاقات پر آمادگی ظاہر کی تھی۔