آئی ایم ایف کی نئی شرائط عوامی مفادات کے خلاف ہیں،خالد مسعود سندھو

مرکزی مسلم لیگ کے صدر خالد مسعود سندھو نے کہا ہے کہ آئی ایم ایف کی پاکستان کے لیے نئی شرائط عوامی مفادات کے خلاف ہیں،حکمرانوں کوفیصلے ملکی مفادات ،قومی جذبات کو سامنے رکھ کر کرنے چاہئے،کلمہ طیبہ کے نام پر حاصل ملک میں سودی نظام کا خاتمہ کر دیا جائے تو معیشت کو استحکام ملے گا،

خالد مسعود سندھو کا کہنا تھا کہ آئی ایم ایف کی جانب سے 1.2 ارب ڈالر کی قسط کے بدلے نئی شرائط عائد کرنا درحقیقت پاکستان کی معیشت پر مزید بوجھ ڈالنے کے مترادف ہے،آئی ایم ایف کی جانب سے گیس اور بجلی کی قیمتوں میں مسلسل اضافے کا مطالبہ عام آدمی کی زندگی کو اجیرن بنا دے گا،حکمران ملکی مفاد کے مطابق فیصلے کریں ، پاکستان کی عوام نے حکمرانوں کو مینڈیٹ دیا، پاکستانی قوم کے جذبات کی قدر کی جائے اور بیرونی دباؤ پر عوامی جذبات کے خلاف فیصلے نہ کیے جائیں، حکومت آئی ایم ایف کی ڈکٹیشن پر چلنے کے بجائے خودمختار معاشی پالیسیاں اپنائے،سودی نظام کا خاتمہ کیا جائے، برکتیں آسمانوں سے آئیں گی.