وزیراعظم شہباز شریف پاکستان سپر لیگ (PSL) کے گیارہویں ایڈیشن کا فائنل میچ دیکھنے کے لیے قذافی اسٹیڈیم، لاہور پہنچ گئے۔
اس اہم موقع پر وزیراعظم نے دونوں ٹیموں کے کھلاڑیوں سے ملاقات کی اور میچ کے آغاز سے قبل ان کی حوصلہ افزائی کی۔ انہوں نے کھلاڑیوں کے ساتھ خوشگوار موڈ میں گفتگو کی اور ایونٹ کے شاندار انعقاد کو سراہا۔
ایچ بی ایل پی ایس ایل 11 کی رنگا رنگ اختتامی تقریب قذافی اسٹیڈیم لاہور میں ہوئی ۔
قذافی اسٹیڈیم میں ہاؤس فل ہے، رنگا رنگ اختتامی تقریب میں ملک کے نامور گلوکاروں عاطف اسلم، علی عظمت، عارف لوہار، آئمہ بیگ اور صابری سسٹرز نے اپنی پرفارمنس سے شائقین کو محظوظ کیا۔
لاہور قذافی سٹیڈیم میں پی ایس ایل 11 کی اختتامی تقریب میں شاندار آتش بازی کا مظاہرہ کیا گیا۔
میچ سے قبل وزیر اعظم شہباز شریف قذافی اسٹیڈیم پہنچے، قذافی اسٹیڈیم آمد پروزیر داخلہ محسن نقوی نے وزیراعظم کا استقبال کیا۔ وزیراعظم شہبازشریف نے کھلاڑیوں سے ملاقات بھی کی۔
وزیراعظم شہباز شریف پی ایس ایل 11 کا فائنل دیکھنے قذافی اسٹیڈیم پہنچ گئے
