برطانوی ہاؤس آف لارڈز میں پاکستان کے امن کردار کی گونج؛ لارڈ قربان حسین نےبرطانوی پارلیمنٹ میں پاکستان کو زبردست خراجِ تحسین پیش کیا
لارڈ قربان حسین نے ایوان کو بتایا کہ پاکستان کی کامیاب سفارت کاری کے باعث ہی امریکہ اور ایران کے درمیان جنگ بندی ممکن ہوئی، جس پر برطانوی پارلیمنٹ پاکستان کی شکر گزار ہے۔ انہوں نے اقوامِ متحدہ کی ناکامی اور مقبوضہ کشمیر میں بھارتی افواج کے بیجا طاقت کے استعمال اور انسانی حقوق کی سنگین خلاف ورزیوں پر گہری تشویش کا اظہار کیا۔ لارڈ قربان حسین نے عالمی برادری اور برطانیہ پر زور دیا کہ وہ لائن آف کنٹرول پر کسی بھی بڑی تباہی کو روکنے اور جنوبی ایشیا کے 1.7 ارب عوام کے پرامن مستقبل کے لیے کشمیریوں کی خواہشات کے مطابق مسئلہ کشمیر کے حل میں اپنا کلیدی کردار ادا کریں۔