یوم تکبیر پر صدر استحکام پاکستان پارٹی و وفاقی وزیر عبدالعلیم خان نے قوم کو مبارکباد دی ہے
وفاقی وزیر عبدالعلیم خان نے عسکری و دفاعی اداروں اور سیاسی قیادت کو خراج تحسین پیش کیا اور کہا کہ "یوم تکبیر، دفاع وطن ناقابل تسخیر” کا نعرہ قومی سلامتی کا ضامن ہے،پاکستان نے پہلی مسلم ایٹمی قوت کے طور پر اپنی منفرد شناخت بنائی،ایٹمی پروگرام کے آغاز پر ذوالفقار علی بھٹو کو خراج تحسین پیش کرتے ہیں،میاں محمد نواز شریف نے دباؤ کے باوجود ایٹمی دھماکوں کا جرأت مندانہ فیصلہ کیا،ڈاکٹر عبد القدیر خان اور ثمر مبارک مند بلاشبہ اس قوم کے ہیرو ہیں،افواج پاکستان، عسکری ادارے اور دفاعی ماہرین خصوصی مبارکباد کے مستحق ہیں،جارحیت پر آمادہ بھارت کے لیے پاکستان بطور ایٹمی قوت بھرپور جواب بن گیا،ایٹمی قوت ہونے کے باوجود خطے میں پاکستان کا امن کے لیے کردار قابل تعریف ہے،ایران امریکہ جنگ میں پاکستان کی سفارتکاری منفرد اور بہترین رہی،ایٹمی دھماکوں کے بعد دنیا نے پاکستان کو خود مختار مملکت کے طور پر سراہا.