ڈی جی خان، سیلابی ریلا پل بہا لے گیا، ٹھیکیدار کے خلاف کارروائی کا مطالبہ

ڈیرہ غازی خان رپورٹر (شاہد خان)بستی بیلا وڈور کو ڈیرہ غازی خان شہر سے ملانے والا پل تعمیر کے محض 8 ماہ بعد ہی سیلابی ریلے میں بہہ گیا، جس کے بعد تعمیراتی معیار، نگرانی کے نظام اور سرکاری فنڈز کے استعمال پر کئی سوالات کھڑے ہو گئے ہیں۔

علاقہ مکینوں کا کہنا ہے کہ پل عوامی سہولت اور آمدورفت کے لیے ایک اہم منصوبہ تھا، لیکن اتنی قلیل مدت میں اس کا تباہ ہو جانا ناقص تعمیرات اور مبینہ غفلت کی نشاندہی کرتا ہے۔ پل کے بہہ جانے سے مقامی آبادی کو شدید مشکلات کا سامنا ہے جبکہ روزمرہ آمدورفت بھی متاثر ہوئی ہے۔

شہریوں نے مطالبہ کیا ہے کہ اس منصوبے کی اعلیٰ سطحی تحقیقات کرائی جائیں اور یہ معلوم کیا جائے کہ آیا تعمیراتی کام مقررہ معیار کے مطابق کیا گیا تھا یا نہیں۔ عوام کا کہنا ہے کہ اگر کسی قسم کی کوتاہی، ناقص میٹریل کے استعمال یا بدعنوانی کے شواہد سامنے آئیں تو ٹھیکیدار سمیت تمام ذمہ دار افراد کے خلاف بلا امتیاز قانونی کارروائی کی جائے۔

اہل علاقہ نے وزیراعلیٰ پنجاب، کمشنر اور متعلقہ محکمہ سے مطالبہ کیا ہے کہ پل کی فوری تعمیر نو کے ساتھ ساتھ عوامی خزانے کے نقصان کے ذمہ دار عناصر کا احتساب بھی یقینی بنایا جائے تاکہ آئندہ ایسے واقعات کی روک تھام ہو