وفاقی وزیر جام کمال سے پاکستان ٹوبیکو کمپنی کے وفد کی ملاقات ہوئی ہے
ملاقات میں تمباکو صنعت کو درپیش مسائل، بجٹ تجاویز اور غیر قانونی تجارت پر تبادلہ خیال کیا گیا،پی ٹی سی وفد نے غیر قانونی سگریٹ تجارت کے خلاف مؤثر کارروائیوں کے مثبت نتائج سے آگاہ کیا،وفاقی وزیر تجارت جام کمال کا کہنا تھا کہ پاکستان میں سرمایہ کاری اور کاروباری سرگرمیوں کے فروغ کیلئے سازگار ماحول ضروری ہے، رسمی معیشت سرمایہ کاری، روزگار اور معاشی ترقی کی بنیاد ہے،غیر دستاویزی شعبے کو ٹیکس نیٹ میں لانا پائیدار ریونیو میں اضافے کا مؤثر ذریعہ ہے،پاکستان اپنی جغرافیائی اہمیت کی بدولت سرمایہ کاری کے بڑے مواقع رکھتا ہے،دنیا سرمایہ کاری کے حصول کے لیے مسابقت کر رہی ہے ،
پی ٹی سی نے اسمگل شدہ اور نان ڈیوٹی پیڈ سگریٹوں کے خلاف مزید سخت کارروائی کا مطالبہ کیا،تمباکو صنعت کی درآمدات کے لیے فائنل ٹیکس رجیم بحال کرنے کی درخواست کی،جام کمال خان نے تمباکو صنعت کی تجاویز پر سنجیدگی سے غور کی یقین دہانی کروائی،وزیر تجارت نے پی ٹی سی کو اپنی سفارشات باضابطہ طور پر جمع کرانے کو کہا اور کہا کہ تمباکو صنعت کے مسائل اور تجاویز متعلقہ حکام کے سامنے اٹھائے جائیں گے،