چیف الیکشن کمشنر آزاد کشمیرنے اعلان کیا ہے کہ ایل اے 27کا ملتوی ہونےوالا الیکشن اب بروز منگل 4اگست کو ہوگا۔
جسٹس ریٹائرڈ غلام مصطفیٰ مغل نے میڈیا سے گفتگو کرتے ہوئے کہا کہ لینڈ سلائیڈنگ ،روڈ بند ہونے کی وجہ سے الیکشن ملتوی کیے،رات کی شدید بارش سے درخت گرنے سے روڈ بلا ک ہوئے،جمہوری ریاست میں صرف ووٹ سے تبدیلی آتی ہے ،ووٹ ایک اسلامی فریضہ ہے ،لوگوں کوفرض ادا کرنا چاہیے۔تبدیلی کی راہ ہموار کرنی چاہیے،تشدد اور دیگر کوئی چیز تبدیلی کا راستہ نہیں ہوسکتی۔
انہوں نے مزید کہا کہ میر پورڈویژن سے بہتر ٹرن آؤٹ آئےگا،جو شکایت آتی ہے اس پر فوری ایکشن لیتے ہیں،قانون کے مطابق کام کریں گے،کسی کے دباؤ میں نہیں آئیں گے،حساس پولنگ اسٹیشنز پر سیکیورٹی کے سخت انتظامات ہیں۔
واضح رہے کہ مظفر آباد ڈویژن کی 9 اور پاکستان میں کشمیری مہاجرین کی 12 نشستوں پر پولنگ کا عمل جاری ہےپولنگ کے موقع پر 4 ہزار سے زائد سکیورٹی اہلکار تعینات ہیں ،جبکہ،مسلح افواج کی کوئیک رسپانس فورس بھی موجود ہو گی۔