وفاقی کابینہ کا اہم اجلاس آج سہہ پہر 3 بجے طلب کرلیا گیا۔
وزیراعظم شہباز شریف وفاقی کابینہ کے اجلاس کی صدارت کریں گے جس میں وہ سعودی عرب، ترکیے دفاعی معاہدے سے کابینہ کو آگاہ کریں گے اجلاس میں ملک کی معاشی ، سکیورٹی صورتحال زیر غور آئے گی۔
یاد رہے کہ سعودی عرب، پاکستان اور ترکیہ نے مشترکہ دفاعی معاہدے پر دستخط کیے ہیں جس کے تحت کسی ایک ملک پر حملہ تینوں ممالک پر حملہ تصور کیا جائے گا،مکہ دفاعی معاہدہ ایران کو فوری خطرہ نہیں، مگر مستقبل کے خدشات، تہران نے معاہدے پر محتاط ردعمل کا اظہار کیا، فوری طور پر ایران مخالف اتحاد قرار نہیں دیا جاسکتا-
ایرانی حکام کا کہنا ہے معاہدہ خطے میں امریکی سکیورٹی کردار میں کمی اور علاقائی ممالک کے تعاون کی علامت ہے، ماہرین کا خیال ہے اگر یہ معاہدہ وسیع علاقائی سیکورٹی نظام میں تبدیل ہوا تو ایران کی شمولیت کا امکان بھی ہے۔