اضافی چینی بھارت برآمد کرنے کی اجازت دینے کا مطالبہ کرنے پر عبدالباسط برس پڑے

پاکستان شوگر ملز ایسوسی ایشن (PSMA) کی جانب سے اضافی چینی برآمد کرنے کے اصرار پر عوامی سطح پر شدید تحفظات پائے جاتے ہیں، جبکہ حکومت نے بھی مقامی مارکیٹ میں قیمتوں کے بڑھنے کے خدشات کے پیش نظر اس مطالبے کو تا حال محتاط انداز میں موخر کیا ہوا ہے.

جرمنی میں پاکستان کے سابق سفیر نے پاکستان شوگر ملز ایسوسی ایشن کو شدید تنقید کا نشانہ بناتے ہوئے کہا ہے کہ پاکستان شوگر ملز ایسوسی ایشن کو اس بات پر شرم آنی چاہیے کہ وہ اسلام آباد سے چینی کی ملوں کو اضافی چینی بھارت برآمد کرنے کی اجازت دینے کا مطالبہ کر رہی ہے، ان کی ہوس کی کوئی حد نہیں،انہیں اصولوں کی ذرا بھی پروا نہیں امید ہے کہ اسلام آباد اپنے مؤقف پر ڈٹا رہے گا۔

پاکستان شوگر ملز ایسوسی ایشن کو اس بات پر شرم آنی چاہیے کہ وہ اسلام آباد سے چینی کی ملوں کو اضافی چینی بھارت برآمد کرنے کی اجازت دینے کا مطالبہ کر رہی ہے، ان کی ہوس کی کوئی حد نہیں، انہیں اصولوں کی ذرا بھی پروا نہیں، امید ہے کہ اسلام آباد اپنے مؤقف پر ڈٹا رہے گا-

واضح رہے کہ بھارت میں چینی کی قلت کے باعث پاکستان شوگر ملز ایسوسی ایشن نے بھارت کو تقریباً 600 ملین ڈالر مالیت کی اضافی چینی فروخت کرنے کی پیشکش کی ہے، جبکہ بھارتی حکام اس پیشکش پر غور کر رہے ہیں۔