ڈپٹی کمشنر اسلام آباد نے وفاقی دارالحکومت میں شیشہ کیفے کے خلاف کارروائی کے لیے تمام اسسٹنٹ کمشنرز کو احکامات جاری کردیے۔
احکامات کے مطابق پابندی کا اطلاق ان شیشہ کیفے پر بھی ہوگا جن کے پاس این او سی موجود ہے شیش ہ کیفے میں ان ڈور اور آؤٹ ڈور دونوں طرح شیشہ چلانے پر پابندی عائد کی گئی ہے،ڈپٹی کمشنر کے مطابق پابندی کی خلاف ورزی کی صورت میں متعلقہ کیفے کو سیل کردیا جائے گا جبکہ مالک کے خلاف مقدمہ بھی درج کیا جائے گا۔
تمام اسسٹنٹ کمشنرز کو ہدایت کی گئی ہے کہ وہ بلا تفریق کارروائیاں کریں اور شیشہ کیفے کی روزانہ کی بنیاد پر انسپکشن یقینی بنائیں،احکامات میں واضح کیا گیا ہے کہ شیشہ کیفے کے حوالے سے پابندی تاحکم ثانی نافذ رہے گی۔