اداکار نسیم وکی اور آغا ماجد پر فائرنگ کرنیوالے ملزمان گرفتار
ایس ایس پی انوسٹی گیشن فیصل آباد کیپٹن ریٹائرڈ محمد اجمل نے پریس کانفرنس کرتے ہوئے کہا ہے کہ تھانہ ریل بازار پولیس نے اداکار نسیم وکی اور آغاماجد پر فائرنگ کرنیوالے دوملزم گرفتار کرلئے
ایس ایس پی انوسٹی گیشن محمد اجمل کا کہنا تھا کہ تفتیشی آفیسر عامر خان لودھی اور ٹیم نے بہترین کارکردگی کا مظاہرہ کیا،بیس جنوری کی رات نامعلوم موٹرسائیکل سواروں نے اداکاروں پر فائرنگ کی کارسوار اداکار نسیم وکی اور آغا ماجد فائرنگ سے محفوظ رہے،اداکار سبینہ تھیٹر کے مینجر طاہر لطیف کے ساتھ لاہور جارہے تھے،ملزمان کی تلاش کیلئے مختلف ٹیمیں تشکیل دی تھیں،جدید وسائل اور ٹیکنالوجی استعمال کرکے ملزمان کا سراغ لگایا ملزم شعیب نے فری ڈرامہ نہ دکھانے کی رنجش پر فائرنگ کی،ملزم شعیب نے ساتھی جنید کے ساتھ موٹر سائیکل پر سوارہوکر فائرنگ کی،ملزمان اداکاروں کو حراساں کرکے فیصل آباد چھوڑنے پر مجبور کرنا چاہتا تھا،ملزم شعیب کچھ عرصہ قبل بھی ایک تھیٹر پر فائرنگ کرچکاہے،تفتیشی ٹیم کیلئے انعامات کی سفارش کی جائے گی،
فیصل آباد پولیس نے اداکار نسیم وکی اور آغا ماجد پر فائرنگ کرنے والے 2 ملزمان کو جدید ٹیکنالوجی کو بروئے کار لاتے ہوئے گرفتار کر لیا ہے، ملزمان کو قرار واقعی سزا دلوائی جائے گی۔@fsdpolice https://t.co/1SaujBr5ZE pic.twitter.com/OxzazOpYvn
— Punjab Police Official (@OfficialDPRPP) February 19, 2022
ترجمان پنجاب پولیس کے مطابق اسٹیج فنکار نسیم وکی اور آغا ماجد کی گاڑی پرفائرنگ کا واقعہ 20 جنوری کو فیصل آباد میں پیش آیا تھا جب دونوں فنکاراسٹیج ڈرامے کے بعد لاہورجارہےتھے سی پی او فیصل آباد کے مطابق فائرنگ میں دونوں فنکار محفوظ رہے، واقعہ کی اطلاع ملتے ہی فیصل آباد پولیس نے مقدمہ درج کیا۔