امریکی صدر ڈونلڈ ٹرمپ نے دعویٰ کیا ہے کہ ایران نے جنگ کے خاتمے کے لیے مذاکرات میں سنجیدگی ظاہر کرنے کے طور پر آبنائے ہرمز سے 10 آئل ٹینکرز کو گزرنے کی اجازت دی۔
ٹرمپ کے مطابق ایران نے یہ اقدام ایک ’تحفے‘ کے طور پر کیا تاکہ یہ پیغام دیا جا سکے کہ وہ مذاکرات کے لیے سنجیدہ ہے اور کشیدگی کم کرنا چاہتا ہے۔
انہوں نے بتایا کہ ابتدائی طور پر ایران نے آٹھ بڑے تیل بردار جہازوں کو گزرنے دیا اور بعد ازاں مزید دو ٹینکرز کو بھی آبنائے ہرمز عبور کرنے کی اجازت دی گئی۔
یہ پیش رفت خطے میں جاری کشیدگی کے دوران اہم سمجھی جا رہی ہے اور ممکنہ طور پر مذاکرات کی راہ ہموار کر سکتی ہے۔
ایران کی امریکا کو تحفے کے طور پر 10 تیل بردار جہازوں کو آبنائے ہرمز سے گزرنے کی اجازت
