کوسوو میں اپوزیشن کی رکن اسمبلی نے قائم مقام وزیراعظم البین کُرتی پر انڈے پھینک دیے۔
غیر ملکی میڈیا کے مطابق پارلیمنٹ کے اجلاس کے دوران اپوزیشن رکنِ پارلیمنٹ ٹائم کادریجاج (Time Kadrijaj) نے کوسوو کے قائم مقام وزیراعظم البین کُرتی (Albin Kurti) پر انڈے پھینکے۔
میڈیا رپورٹس میں بتایا گیا کہ،الائنس پارٹی سے تعلق رکھنے والی رکنِ پارلیمنٹ نے البین کُرتی کی جانب 4 انڈے پھینکے اور شیم شیم کے نعرے لگائے قائم مقام وزیراعظم نے اسپیکر کا انتخاب کرنے کے لیے مزید وقت مانگا تھا، جون میں ہونے والے انتخابات کے بعد سے کوسوو میں تاحال اسپیکر کا انتخاب نہیں کیا جاسکا، آئینی عدالت کی جانب سے دی گئی ڈیڈ لائن ختم ہوچکی اس لیے پارلیمنٹ کا سیشن غیرآئینی ہے۔