خاتون اول آصفہ بھٹو زرداری نے گلگت بلتستان کے انتخابات کے حوالے سے اپنے ویڈیو پیغام میں عوام سے بھرپور شرکت کی اپیل کرتے ہوئے کہا ہے کہ 7 جون کو گھروں سے نکلیں اور پاکستان پیپلزپارٹی کے انتخابی نشان "تیر” پر مہر لگائیں۔
آصفہ بھٹو زرداری نے اپنے پیغام میں کہا کہ پاکستان پیپلزپارٹی عوام کو کبھی اکیلا نہیں چھوڑے گی۔ ان کا کہنا تھا کہ پیپلزپارٹی ہر مشکل وقت میں عوام کے ساتھ کھڑی رہی ہے اور انشاء اللہ آئندہ بھی عوام کا ساتھ نبھاتی رہے گی۔انہوں نے کہا کہ پاکستان پیپلزپارٹی صرف ایک سیاسی جماعت نہیں بلکہ ایک تحریک، ایک سوچ اور شہید ذوالفقار علی بھٹو کے عوام سے کیے گئے وعدوں کا تسلسل ہے۔آصفہ بھٹو زرداری نے ووٹرز پر زور دیا کہ وہ انتخابات میں بھرپور حصہ لیں اور ترقی، جمہوریت اور عوامی حقوق کے لیے پاکستان پیپلزپارٹی کا ساتھ دیں۔