بانی پی ٹی آئی کو کوئی ڈیل یا ڈھیل نہیں دی ، عطا تارڑ

وفاقی وزیر اطلاعات عطا اللہ تارڑ نے لندن میں میڈیا سے گفتگو کرتے ہوئے کہا ہے کہ بانی پی ٹی آئی کے حوالے سے کوئی ڈیل یا ڈھیل نہیں ہو رہی، معاملہ عدالت میں ہے اور قانونی عمل جاری ہے۔
‎انہوں نے وضاحت کی کہ سوشل میڈیا پر بانی پی ٹی آئی کی صحت کے بارے میں پھیلائی گئی سنسنی درست نہیں، ان کی صحت تشویشناک نہیں ہے، اور جو مسئلہ تھا وہ حل ہو چکا ہے۔ پی ٹی آئی کے رہنماؤں کو بھی اڈیالہ جیل میں بریفنگ دی جا چکی ہے۔ وزیر اطلاعات نے زور دیا کہ بانی پی ٹی آئی کی صحت پر سیاست نہیں ہونی چاہیے۔
‎فلسطین کے معاملے پر بات کرتے ہوئے انہوں نے کہا کہ انہیں غزہ بورڈ آف پیس میں شرکت کا دعوت نامہ ملا ہے اور پاکستان ہمیشہ تعمیری کردار ادا کرتا رہا ہے۔
‎مزید برآں، وفاقی وزیر اطلاعات نے کہا کہ کسی پاکستانی وزیراعظم کا 34 برس بعد آسٹریا کا دورہ ہوا، اس سے قبل 1992 میں نواز شریف وہاں گئے تھے۔
‎کرکٹ کے سوال پر عطا اللہ تارڑ نے کہا کہ بھارت کے خلاف میچ میں ہار یا جیت کھیل کا حصہ ہے، اور اس پر وزیراعظم سے باضابطہ بات نہیں ہوئی۔