باغی ٹی وی کی جانب سے 14ویں سالگرہ کے موقع پر ادارے سے وابستہ نمائندگان، بیورو چیفس، اینکرز اور لکھاریوں کی خدمات کے اعتراف میں باغی ایوارڈز دینے کا سلسلہ جاری ہے۔ سال 2026 کے ابتدائی چار باغی ایوارڈز دیے جا چکے ہیں،
باغی ٹی وی کی جانب سے دیا جانے والا پہلا باغی ایوارڈ انچارج نمائندگان باغی ٹی وی ڈاکٹر غلام مصطفیٰ بڈانی کو ان کی صحافتی خدمات اور ادارے کے لیے نمایاں کردار ادا کرنے پر دیا گیا،منعقدہ تقریب میں ایڈیٹر باغی ٹی وی ممتاز اعوان نے سی ای او باغی ٹی وی ،سینئر صحافی و اینکر پرسن مبشر لقمان کی ہدایت پرڈاکٹر غلام مصطفیٰ بڈانی کو باغی ایوارڈ سے نوازا،
دوسرا باغی ایوارڈ بیورو چیف باغی ٹی وی قصور طارق نوید سندھو کو دیا گیا، جنہوں نے اپنی پیشہ ورانہ صلاحیتوں اور خبروں کی بروقت ترسیل کے ذریعے ادارے کا نام روشن کیا،قصور دفتر میں منعقدہ تقریب میں ڈسٹرکٹ انفارمیشن آفیسر قصور تابندہ سلیم، ممتاز اعوان، ڈاکٹر غلام مصطفیٰ بڈانی نے طارق نوید سندھو کو ایوارڈ سے نوازا.
تیسرا باغی ایوارڈ بیورو چیف باغی ٹی وی سیالکوٹ مدثر اشفاق رتو کے حصے میں آیا، جن کی محنت، دیانت داری اور صحافتی معیار کو سراہا گیا۔سیالکوٹ میں منعقدہ تقریب کے دوران ممتاز اعوان، ڈاکٹر غلام مصطفیٰ بڈانی، طارق نوید سندھو نے مدثراشفاق رتو کو ایوارڈ سے نوازا.
چوتھا باغی ایوارڈ باغی ٹی وی کے معروف،نوجوان اینکر زین العابدین شاہ کو دیا گیا، جنہوں نے اپنے منفرد انداز اور جاندار پروگرامز کے ذریعے ناظرین میں بھرپور مقبولیت حاصل کی،زین العابدین شاہ کو لاہور کے مقامی ہوٹل میں تقریب کے دوران باغی ایوارڈ سے نوازا گیا.
باغی ٹی وی انتظامیہ کے مطابق باغی ایوارڈز کی تقسیم کا یہ سلسلہ آئندہ بھی جاری رہے گا اور باغی ٹی وی سے وابستہ تمام نمائندگان اور لکھاریوں کو مرحلہ وار باغی ایوارڈ سے نوازا جائے گا، تاکہ ان کی خدمات کا بھرپور اعتراف کیا جا سکے۔
واضح رہے کہ اس سے قبل بھی باغی ٹی وی کی جانب سے 80 سے زائد نمائندگان اور لکھاریوں میں ڈیجیٹل اعزازی سرٹیفکیٹس تقسیم کیے جا چکے ہیں، جو اس بات کا ثبوت ہیں کہ باغی ٹی وی اپنے ساتھ کام کرنے والے افراد کی حوصلہ افزائی اور عزت افزائی کو اولین ترجیح دیتا ہے۔