بلوچستان حکومت نے صوبے کے کاروباری مراکز کے لیے یکم جون تک لاک ڈاؤن ختم کر دیا، محکمہ داخلہ بلوچستان نے نوٹیفکیشن جاری کر دیا۔
نوٹیفکیشن کے مطابق تمام دکانیں، شاپنگ مالز، ریسٹورنٹس، ہوٹلز اور مارکیٹس کو رات 8 بجے تک بند کرنے کی پابندی بھی ختم کر دی گئی جبکہ دیگر اداروں پر لاک ڈاؤن کی پابندیاں بدستور برقرار رہیں گی،اس سے قبل پنجاب، خیبر پختونخوا اور سندھ حکومت بھی کاروباری اوقات میں نرمی کر چکی ہیں۔
چیف سیکرٹری خیبر پختونخوا نے صوبے میں اسمارٹ لاک ڈاؤن کےخاتمےکا نوٹس جاری کیا ،نوٹس کے مطابق مارکیٹیں،کاروباری مراکز کے اوقات کار سے متعلق پابندیاں معطل کردی گئیں،سمارٹ لاک ڈاؤن کے مقررہ اوقات کو تاحکم ثانی ختم کردیاگیا بجلی کی بچت کے اقدامات پر بدستور عمل کیا جائےگا، غیر ضروری اور آرائشی روشنیوں کے استعمال سے گریز کیا جائے۔