بنگلادیش نے فیصلہ کن ون ڈے میں پاکستان کو شکست دے کر سیریز جیت لی


بنگلادیش نے فیصلہ کن ون ڈے میچ میں پاکستان کو شکست دے کر تین میچوں کی سیریز 1-2 سے اپنے نام کر لی۔
ڈھاکا میں کھیلے گئے میچ میں بنگلادیش نے پہلے بیٹنگ کرتے ہوئے 291 رنز بنائے۔ ہدف کے تعاقب میں پاکستانی ٹیم بھرپور کوشش کے باوجود 9 وکٹوں کے نقصان پر 279 رنز تک محدود رہی اور یوں جیت میزبان ٹیم کے نام رہی۔
‎پاکستان کی جانب سے مڈل آرڈر بیٹر سلمان علی آغا نے شاندار مزاحمت کرتے ہوئے سنچری اسکور کی۔ انہوں نے 107 رنز کی عمدہ اننگز کھیلی جو ان کے ون ڈے کیریئر کی تیسری سنچری تھی۔ تاہم ان کی انفرادی کارکردگی ٹیم کو شکست سے نہ بچا سکی۔
‎قومی ٹیم کے کپتان شاہین شاہ آفریدی نے بھی 37 رنز کی اننگز کھیل کر ٹیم کو سنبھالنے کی کوشش کی لیکن دیگر بیٹرز کی ناکامی کے باعث پاکستان ہدف حاصل نہ کر سکا۔
‎اس فتح کے ساتھ بنگلادیش نے تین میچوں کی سیریز 2-1 سے اپنے نام کر لی۔