پہلے ون ڈے میچ میں بنگلہ دیش نے پاکستان کو باآسانی 8 وکٹوں سے شکست دے دی۔ میزبان ٹیم نے 115 رنز کا ہدف صرف 16ویں اوور میں 2 وکٹوں کے نقصان پر حاصل کر لیا۔
بنگلہ دیش کی جانب سے تنزید حسن نے شاندار بیٹنگ کرتے ہوئے ناقابل شکست 67 رنز بنائے جبکہ نجم الحسین شنتو 27 رنز بنا کر آؤٹ ہوئے۔
میچ میں بنگلہ دیش نے ٹاس جیت کر پہلے فیلڈنگ کا فیصلہ کیا جو درست ثابت ہوا۔ بنگلہ دیشی بولرز نے پاکستانی بیٹنگ لائن کو ابتدا ہی میں مشکلات سے دوچار کر دیا اور پوری ٹیم کو 114 رنز پر آؤٹ کر دیا۔
پاکستان کی جانب سے فہیم اشرف نے سب سے زیادہ 37 رنز اسکور کیے جبکہ صاحبزادہ فرحان نے 27 رنز بنائے۔ ایک موقع پر پاکستان کی 9 وکٹیں صرف 82 رنز پر گر چکی تھیں۔