پاکستان نے بھارت میں اقلیتوں کے ساتھ سلوک پر تشویش کا اظہار کردیا۔ دفتر خارجہ کا کہنا ہے کہ کرسمس کے دوران توڑ پھوڑ کے حالیہ واقعات انتہائی قابل مذمت ہیں۔
ترجمان دفتر خارجہ نے مزید کہا کہ ریاستی سرپرستی میں مسلمانوں کو نشانہ بنانے والی مہمات چل رہی ہیں، بھارت میں مسلمانوں کے گھر مسمار کرنا اور مار پیٹ معمول بن چکا، محمد اخلاق کیس ثبوت ہے جس میں ریاست نے مجرموں کو بچایا۔ترجمان دفتر خارجہ طاہر اندرابی کا کہنا ہے کہ ایسے واقعات نے بھارتی مسلمانوں میں خوف کو مزید بڑھا دیا، عالمی برادری بھارت میں اقلیتوں کے ساتھ روا رکھے گئے سلوک کا نوٹس لے، بھارت میں اقلیتوں کے بنیادی حقوق کے تحفظ کیلئے اقدامات کئے جائیں۔