باغی ٹی وی کی رپورٹ کے مطابق الیکشن کمیشن نے کراچی میں بلدیاتی انتخابات ایک بار پھر ملتوی کر دیئے ہیں
شہر قائد کراچی سمیت سندھ کے اضلاع میں بلدیاتی انتخابات کے دوسرے مرحلے کی پولنگ 28 اگست کوہونی تھی، شدید بارشوں او رسیلاب کی وجہ سے الیکشن ملتوی کئے گئے ہیں
الیکشن کمیشن آف پاکستان کے ترجمان کی جانب سے جاری وضاحتی اعلامیے میں کہا گیا تھا کہ حالیہ سیلاب کی بد ترین تباہ کاریوں، نقصانات، لوگوں کی نقل مکانی، سے متعلق صوبائی الیکشن کمشنر سندھ، ضلعی انتظامیہ کی سفارشات اور موسمیات کی رپورٹ کو مدنظر رکھتے ہوئے الیکشن کمیشن آف پاکستان نے حیدرآباد ڈویژن کے 9 اضلاع میں 28 اگست کو ہونے والے بلدیاتی انتخابات صورت حال بہتر ہونے تک پہلے ہی ملتوی کردیے تھے
ترجمان الیکشن کمیشن کے مطابق کراچی ڈویژن میں بلدیاتی انتخابات کے انعقاد کا جائزہ لینے کے لئے الیکشن کمیشن کا آج دوبارہ اجلاس ہوا، جس میں فیصلہ کیا گیا کہ الیکشن ملتوی کر دیے جائیں، الیکشن کمیشن نے سندھ حکومت کی طرف سے اٹھائے گئے مختلف نکات ، مشکلات اور موسمیات کی رپورٹ کا جائزہ لے کر حتمی فیصلہ کیا کراچی ڈویژن کے سارے اضلاع میں بلدیاتی انتخابات دو ماہ کیلئے ملتوی کئے گئے ہیں