پاکستان کے سابق وزیراعظم اور بانی پی ٹی آئی عمران خان کی سابق اہلیہ جمائما گولڈ اسمتھ کو گاڑی کی حد رفتار کی خلاف ورزی کے کیس میں میٹروپولیٹن پولیس کو بروقت جواب نہ دینے پر عدالت نے ایک ہزار پاؤنڈ جرمانے کی سزا سنا دی ہے۔
52 سالہ جمائما گولڈ اسمتھ کے نام پر رجسٹرڈ منی کلب مین گاڑی کو شمالی لندن میں مقررہ رفتار سے تجاوز کرتے ہوئے پکڑا گیا تھا، پولیس کی جانب سے بھیجے گئے خطوط کا بروقت جواب نہ دینے پر معاملہ عدالت تک پہنچ گیا۔
عدالتی دستاویزات کے مطابق گاڑی 28 اگست کو ہیمپسٹڈ کے علاقے میں اے ون شاہراہ پر 40 میل فی گھنٹہ کی حد کے بجائے 46 میل فی گھنٹہ کی رفتار سے چلائی جارہی تھی بعد ازاں جمائما نے انتھونی ریلی نامی شخص کو ڈرائیور کے طور پر نامزد کیا جو سوئٹزرلینڈ میں مقیم ہے، تاہم ان کا جواب پولیس کی آخری تاریخ گزرنے کے 6 دن بعد، 4 نومبر کو موصول ہوا۔
آپریشن غضب للحق:پاک فوج کی کارروائی میں ننگرہار خوگانی بیس تباہ
ویسٹ منسٹر مجسٹریٹس کورٹ کو لکھے گئے خط میں جمائما گولڈ اسمتھ نے مؤقف اختیار کیا کہ ان کے کینزنگٹن میں واقع ایک کروڑ پاؤنڈ مالیت کے گھر میں جاری تعمیراتی کام کے باعث ابتدائی خط مزدوروں کے ہاتھوں گم ہوگیا اور انہیں اس کا علم اکتوبر میں ہوااسی ماہ ان کی والدہ لیڈی اینابیل گولڈ اسمتھ کا 91 برس کی عمر میں انتقال ہوگیا تھا جس کے باعث وہ امور پر مکمل توجہ نہ دے سکیں۔
خیبر پختونخوا حکومت کا کریک ڈاؤن:1000سے زائد غیر قانونی مقیم افغان باشندے گرفتار
مجسٹریٹ گلیڈیز فاموریو نے انہیں ڈرائیور کی شناخت سے متعلق معلومات فراہم نہ کرنے کا مجرم قرار دیتے ہوئے ایک ہزار پاؤنڈ جرمانہ، لائسنس پر چھ پینلٹی پوائنٹس، 130 پاؤنڈ عدالتی اخراجات اور 400 پاؤنڈ اضافی سرچارج ادا کرنے کا حکم دیا-