اوکاڑہ (نامہ نگار ملک ظفر) گورنمنٹ ایسوسی ایٹ کالج رینالہ خورد میں "آپریشن بنیان مرصوص” کی شاندار کامیابی کے ایک سال مکمل ہونے کے موقع پر ایک پروقار سیمینار کا انعقاد کیا گیا۔ سیمینار کی صدارت کالج کے پرنسپل راؤ اختر علی نے کی جبکہ اساتذہ کرام اور طلبہ کی بڑی تعداد نے شرکت کی۔تقریب میں معظم علی لیکچرار فزیکل ایجوکیشن، ڈاکٹر جواد حیدر اسسٹنٹ پروفیسر اسلامیات، ڈاکٹر محمد عبداللہ اسسٹنٹ پروفیسر شماریات، چوہدری عبدالرزاق اسسٹنٹ پروفیسر باٹنی، خالد سیف اللہ خالد ایسوسی ایٹ پروفیسر اور وائس پرنسپل ذوالفقار شاذ نے اظہار خیال کیا۔مقررین نے پاک فوج کی تاریخی اور بے مثال کامیابیوں پر خراجِ تحسین پیش کرتے ہوئے کہا کہ "آپریشن بنیان مرصوص” نے دشمن کے ناپاک عزائم کو ناکام بنایا اور قومی یکجہتی کو مزید مضبوط کیا۔ انہوں نے نوجوانوں پر زور دیا کہ وہ حب الوطنی، قربانی اور ایثار کے جذبے کو اپنائیں۔پرنسپل راؤ اختر علی نے اپنے خطاب میں کہا کہ یہ آپریشن ہماری دفاعی تاریخ کا ایک روشن باب ہے جو ہمیشہ نوجوان نسل کو ملک و قوم کے لیے قربانی کا درس دیتا رہے گا۔ انہوں نے کہا کہ پاکستانی قوم اور اس کے محافظ ایک "سیسہ پلائی ہوئی دیوار” کی مانند ہیں۔سیمینار کے اختتام پر وطن عزیز کی سلامتی، ترقی اور استحکام کے لیے خصوصی دعا کی گئی جبکہ ملک کی خاطر جانوں کا نذرانہ پیش کرنے والے شہداء کو خراجِ عقیدت پیش کیا گیا۔
رینالہ خورد: "آپریشن بنیان مرصوص” کی کامیابی پر گورنمنٹ کالج میں پروقار سیمینار
