بشریٰ بی بی کی اسپتال منتقلی کی اطلاعات، بیرسٹر گوہر کا ملاقات،علاج کا مطالبہ

تحریک انصاف کے چیئرمین بیرسٹر گوہر علی خان نے کہا ہے کہ انہیں اطلاع دی گئی ہے کہ بشریٰ بی بی کو رات کے وقت اسپتال منتقل کیا گیا۔ انہوں نے حکومت سے مطالبہ کیا ہے کہ اہلِ خانہ کو فوری طور پر بشریٰ بی بی سے ملاقات کی اجازت دی جائے۔

ایکس پر جاری اپنے بیان میں بیرسٹر گوہر نے کہا کہ عمران خان کو بھی علاج کے لیے اسپتال منتقل کیا جائے، کیونکہ ان کی صحت تشویش ناک بتائی جا رہی ہے۔ انہوں نے زور دیا کہ بانیٔ پی ٹی آئی سے بھی ان کے اہلِ خانہ کی ملاقات کرائی جائے، کیونکہ علاج اور اہلِ خانہ سے رابطہ ہر قیدی کا بنیادی حق ہے۔

دوسری جانب خیبر پختونخوا حکومت کے معاونِ خصوصی برائے اطلاعات شفیع جان نے بھی بشریٰ بی بی کی صحت سے متعلق خبروں پر تشویش کا اظہار کیا ہے۔ ان کا کہنا تھا کہ بشریٰ بی بی کی اسپتال منتقلی کے معاملے پر پنجاب حکومت کی خاموشی افسوس ناک ہے۔شفیع جان نے الزام عائد کیا کہ پنجاب حکومت بانیٔ پی ٹی آئی اور بشریٰ بی بی کی صحت کے معاملے میں مسلسل غفلت برت رہی ہے۔ انہوں نے کہا کہ بشریٰ بی بی کو بنیادی طبی سہولتوں سے محروم رکھنا آئین اور انسانی حقوق کی خلاف ورزی کے مترادف ہے۔

واضح رہے کہ عمران خان اور بشریٰ بی بی اڈیالہ جیل میں قید ہیں اور سزا مکمل کر رہے ہیں،