ایلون مسک نے ٹویٹر کے سی ای او کا عہدہ چھوڑنے کا اعلان کر دیا
سماجی رابطے کی ویب سائٹ ٹویٹر کے مالک ایلون مسک کا کہنا ہے کہ وہ سی ای او کا عہدہ چھوڑ دیں گے اور اپنی جگہ ایک خاتون کو سی ای او بنا رہے ہیں، وہ خاتون کون ہے، اس حوالہ سے ابھی تک انہوں نے نہیں بتایا تا ہم یہ کہا ہے کہ نئی سی ای او آئندہ چھ ہفتوں میں سی ای او کا عہدہ سنبھال لے گی، ایلون مسک کا کہنا ہے کہ سی ای او کا عہدہ چھوڑنے کے بعد وہ ایگزیکٹو چیئرمین اور چیف ٹیکنالوجی آفیسر کے طور پر ٹوئٹر کے مختلف شعبوں کو دیکھتے رہیں گے
ٹیسلا اور اسپیس کے مالک ایلون مسک نے اکتوبر 2022 میں سماجی رابطے کی ویب سائٹ ٹویٹر کو 44 ارب ڈالرز میں خریدا تھا اور اس کے بعد سے سی ای او کے طور پر کام کر رہے ہیں ،ٹویٹر خریدنے کے بعد انہوں نے اس میں کافی تبدیلیاں کیں، ہزاروں ملازمین کو فارغ کیا، بلیو ٹک کے لئے صارفین سے رقم کی وصولی کا سلسلہ شروع کیا، ماضی کے ویریفائیڈ اکاؤنٹس سے بلیو ٹِک کو ہٹا دیا گیا
اسد عمر اسلام آباد ہائیکورٹ کے احاطے سے گرفتار
ملک بھر میں احتجاج کے دوران جلاؤ گھیراؤ