چیف الیکشن کمشنر کی زیر صدارت الیکشن کمیشن کا اہم اجلاس ہوا جس میں پنجاب میں عام انتخابات کی تاریخ کے اعلان سمیت معاملات پر غور کیا گیا۔
باغی ٹی وی : تفصیلات کے مطابق لاہور ہائیکورٹ کے حکم کے بعد الیکشن کمیشن کا اجلاس ہوا جس میں چاروں ممبران، سیکرٹری الیکشن کمیشن اور قانونی ماہرین شریک ہوئے۔
اجلاس میں پنجاب میں انتخابات کرانے سے متعلق لاہور ہائیکورٹ کے فیصلے پر آئندہ کے لائحہ عمل کا جائزہ لیا گیا جبکہ انتخابات سے متعلق قانونی و آئینی امور بھی زیر بحث آئے۔
اجلاس میں انتخابات کیلئے سکیورٹی انتظامات کا بھی جائزہ لیا گیا تا کہ کسی رکاوٹ کے بغیر شفاف انتخابات کے انعقاد کو یقینی بنایا جائے۔